7 fevral tarixində Azərbaycan Milli İncəsənət Muzeyinin Səttar Bəhlulzadə zalında "Muzeydə musiqi" və "Klassik musiqi zamanı" layihələri çərçivəsində Azərbaycan Gənclər Gününə həsr olunmuş bayram konserti keçirildi.

Canlı və zəngin konsert proqramında A. Darqomıjskiy, P. Çaykovskiy, J. Massne, F. P. Tosti, E. Qriq, Q. Puççini, S. Raxmaninov, Ü. Hacıbəylinin, F. Əmirovun, M. Maqomayevin vokal və instrumental əsərləri, eləcə də sevilən Azərbaycan xalq mahnısı "Sarı gəlin" oldu. Konsertdə dünya opera və instrumental hitləri, eləcə də sevilən romanslar və mahnılar Azərbaycan Respublikasının Əməkdar Artisti Anton Ferştandt, Azərbaycan Dövlət Akademik Musiqili Teatrının solisti Yuliya Heydərova, BMA-nın konsertmeysteri Dilarə Kərimova, Q.Qarayev adına Azərbaycan Dövlət Kamera Orkestrinin artisti Leyla Kərimova, Azərbaycan Dövlət Xorunun artistləri Kamilla İmanova, Fərhad Ələkbərov, Elyar Əliyev, N.A.Rimski-Korsakov adına Sankt-Peterburq Dövlət Konservatoriyasının tələbəsi Teymur Kazımov, eləcə də Üzeyir Hacıbəyli adına BMA-nın tələbələri Nəzrin Qulamova və Zeyn Cəfərov (BMA professoru, Azərbaycan Respublikasının Əməkdar Artisti T.Babayevanın sinfi) tərəfindən ifa olunmuşdur.

2

1

3

8

5

6

4

7