• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    13 fevral 2026-cı il 

    13 fevral 2026-ci il tarixində Üzeyir Hacıbəyli adına Bakı Musiqi Akademiyasının Böyük zalında İxtisas musiqi məktəb-studiyası şagirdlərinin görkəmli alim,

    Əməkdar İncəsənət Xadimi, sənətşünaslıq üzrə elmlər doktoru, “Əmək ordeni” sahibi, pianoçu-musiqişünas, professor Tərlan Seyidovun əziz xatirəsinə həsr olunmuş konserti keçirilmişdir. Bu, İxtisas musiqi məktəb-studiyasının böyük ustadın vəfatının 2-ci ildönümü ərəfəsində reallaşdırdığı sayca ikinci ithaf tədbiri idi. Belə ki, fevralın 11-i tarixində Seyidov ənənələrinə sadiqliyin bariz nümunəsi kimi məhz zamanında onun ideya müəllifliyi ilə keçirilən “Pedaqoji qiraət” baş tutmuşdur.

      Konsert proqramı məzmun və janr müxtəlifliyi ilə seçilmişdir. Belə ki, məktəb-studiyanın müxtəlif ixtisaslar üzrə – fortepiano, violin, fleyta, trombon, zərb alətləri, vokal sinfi şagirdləri həm Azərbaycan, həm də dünya musiqisinin ən diqqətəlayiq nümunələrini səsləndirmişlər. Tədbir mərhum professorun xatirəsinə hörmət və ehtiramın əyani ifadəsi olmaqla yanaşı, İxtisas musiqi məktəb-studiyasının böyük ustaddan miras qalmış yüksək səviyyəli təhsil missiyasının, pedaqoji ənənələrinin və şagirdlərin davamlı inkişafının təcəssümü kimi simvolik mənaya malik idi. Konsert məktəb-studiyanın böyük elmi işçisi və müəllimi Şəfəq Hacıyeva tərəfindən açıq elan olunmuş, T.Seyidovun musiqi təhsilindəki əvəzsiz xidmətlərindən söz açılmışdır. Ardınca məktəb-studiya şagirdlərinin ifasında barokko dövründən romantizmə, habelə XX əsr musiqisinədək geniş bir tarixi-estetik spektri əhatə edən əsərlər yüksək səviyyədə təqdim olunmuşdur.
    Back to Top