29 aprel tarixində Azərbaycan Dövlət Akademik Filarmoniyasında “Yeni adlar” layihəsi çərçivəsində növbəti konsert baş tutdu.

Yaranan gündən bu layihə neçə istedadlı gənclərimizi ictimaiyyətə tanıdıb,onların önündə yeni üfüqlər açaraq gələcək uğurlara ilhamlandırıb.

Konsertdə iştirak edən gənc ifaçılar Bakı Musiqi Akademiyasının tələbələri Şəms Əliyeva (viola,2ci kurs,baş müəllim Respublikanın Əməkdar artisti Bəxtiyar Axundov ),Xədicə Qasımova (violino,2ci kurs,müəllim professor,sənətşünaslıq üzrə elmlər doktoru Hökümə Əliyeva),Məsumə Əliyeva (fleyta,1ci kurs,müəllim ,Əməkdar artist,Nicat Salmanov),Kənan Bağırov (violino,1ci kurs,müəllim professor Hökümə Əliyeva)ifa etdikləri çox çətin əsərlərin öhdəsindən layiqlə gələrək Azərbaycan ifaçılıq məktəbinin zəngin ənənələrini ləyaqətlə davam edəcəklərinə böyük ümid doğurdular.

Layihənin koordinatoru Xalq artisti,professor Yeganə Axundovanın ,Dövlət Simfonik Orkestrinin baş dirijoru Əməkdar artist Fuad İbrahimovun bu layihəyə verdikləri diqqət və əməkləri danılmazdır.

Konserti idarə edən dirijor Mustafa Mehmandarov hər bir solistlə ona uyğun olan ifa tərzi ilə vəhdətdə müşayiət xətti quraraq onlara səhnədə dayaq oldu.

Konsertin tamaşaçıların gurultulu alqış sədaları altında başa çatdı.