• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    29 aprel  2026-cı il 

    Aprelin 29-da Muğam Mərkəzində dünya şöhrətli Dmitri Şostakoviçin 120 illiyinə həsr olunmuş «DSCH» musiqi axşamı keçirilib.  

    Proqramda bəstəkarın Saşa Çernıy və Aleksandr Blokun şeirlərinə vokal silsilələri, kamera-instrumental əsərləri ilə yanaşı, onun tələbələri – görkəmli Azərbaycan bəstəkarları Qara Qarayev və Cövdət Hacıyevin kamera əsərləri də ifa olunub.  Konsertin ideya müəllifi, BMA-nın dosenti, pianoçu Yuliya Kərimova ilə birlikdə solistlər – Əməkdar artisti Fəridə Məmmədova (soprano), Ümidə Abasova (skripka) və Georgiy İmanov (violonçel) Şostakoviç ilində dinləyicilərə bəstəkarın ziddiyyətlər, yumor, faciə və tükənməz enerji ilə dolu musiqisinin kodlanmış dünyasına səyahətə dəvət ediblər.

    Back to Top