• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    7 iyun 2026-cı il 

    7 iyun 2026-cı il tarixində Daşkənd şəhərində Özbəkistan Dövlət Simfonik Orkestrinin konserti baş tutdu.

    Konsertdə Azərbaycan Respublikasının Xalq artisti, professor Yeganə Axundova, Əməkdar artist Sahib Paşazadə möhtəşəm ifaları ilə tamaşaçıların zövqünü oxşadılar. Orkestrin bədii rəhbəri və baş dirijoru Özbəkistanın Xalq artisti Kamoliddin Urinboyev olmuşdur. Konsert proqramına Fikrət Əmirovun "Min bir gecə" baletindən "Süita", Fikrət Əmirov və Elmira Nəzirovanın "Ərəb mövzularında orkestr və fortepiano üçün konsert", Hacı Xanməmmədovun "Orkestrlə tar üçün konsert N.2" əsərləri daxil idi. 

    12 iyun 2026-cı il tarixində Ü.Hacıbəyli adına BMA-nın Beynəlxalq Əlaqələr üzrə prorektoru, Xalq artisti, professor Yeganə Axundova Özbəkistan Dövlət Konservatoriyasında ustad dərsi keçmişdir. Eyni zamanda, professor Yeganə Axundova Özbəkistan Dövlət Konservatoriyasının fortepiano fakültəsinin dövlət imtahan komissiyasının sədri kimi də dəvət olunaraq imtahanlarda iştirak etmiş,həmçinin musiqi müəllimləri ilə görüş keçirmişdir.

    Back to Top