• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    2 noyabr 2026-cı il 

    Bakı Beynəlxalq İncəsənət Festivalı çərçivəsində “The Teacher and the Students” adlı konsert proqramı təqdim olundu.

    2 noyabr 2026-cı il tarixində keçirilən konsertdə dünya musiqi irsinin görkəmli nümayəndələri – Arif Məlikov, Dmitri Şostakoviç və Qara Qarayevin yaradıcılığına müraciət edildi.

    Tədbirdə ön sözlə Üzeyir Hacıbəyli adına Bakı Musiqi Akademiyasının “Musiqi tarixi” kafedrasının müdiri, professor Zümrüd Dadaşzadə çıxış edib, konserti açıq elan etdi.

    Gecədə peşəkar musiqiçilərin ifası musiqi ənənələrinin nəsildən-nəslə ötürülməsini, mədəni yaradıcılıq əlaqəsinin əhəmiyyətini nümayiş etdirdi.

    Konsertdə iştirak edən ifaçılar:

     Xalq artisti, professor Fərhad Bədəlbəyli – fortepiano

     Nigar Cəfərova – soprano

     Dmitri Sitkovetski – skripka

     Ceyla Seyidova – skripka

     Səid Məmmədov – skripka

     Vaxtanq İmanov – viola

     Aleksey Miltıx – violonçel

    Bu konsert yalnız musiqi əsərlərinin təqdimatı deyil, həm də ustad sənətkarlarla gənc nəslin yaradıcılıq dialoqu, musiqi irsinə ehtiram və sənət ənənələrinin davamlılığının təcəssümü oldu.

    Bakı Musiqi Akademiyasının beynəlxalq musiqi platformasında təmsil olunması və belə əlamətdar layihələrdə iştirakı Azərbaycan musiqi mədəniyyətinin təbliği baxımından xüsusi əhəmiyyət daşıyır.

    Back to Top