• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    11 noyabr 2022-ci il

    1 oktyabr 2022-ci il  tarixində Azərbaycan Respublikası Elm və Təhsil Nazirliyinin,  Azərbaycan Respublikasının Qeyri-hökumət təşkilatlarına Dövlət Dəstəyi Agentliyinin, İqtisadi və Sosial Araşdırmalara Yardım İctimai Birliyinin təşkilatçılığı ilə bir qrup xarici tələbələrin  Şuşa şəhərinə səfəri təşkil olunmuşdu.

    Səfər zamanı xarici tələbələrin rol aldığı "Biz Şuşanın səfiriyik" adlı qisa-metrajli film lentə alınmışdır.

     Qeyd edək ki, sənədli film Azərbaycanın 18 ali təhsil müəssisəsində təhsil alan 36 ölkədən 44 tələbənin iştirakı ilə Şuşada çəkilmişdir.

    Filmin təqdimatı 11 noyabr tarixində Bakı Gənclər Mərkəzində baş tutmuşdur.

    Təqdimatda  Millət vəkili Vüqar İsgəndərov,  Azərbaycan Respublikasının Təhsil Nazirliyinin Beynəlxalq Əməkdaşlıq şöbəsinin müdiri Müjdət Həsənov,  "İSAY" İB-in sədri, "Biz Şuşunın səfiriyik" layihəsinin rəhbəri Eyyub Kərimli və Qeyri-hökumət təşkilatlarına Dövlət Dəstəyi Agentliyinin nümayəndəsi İlqar Orucov hər kəsi salamlayaraq,  əməyi keçən hər kəsə təşəkkürlərini bildirdilər.

    Üzeyir Hacıbəyli adına Bakı Musiqi Akademiyasının Xarici tələbələrlə iş üzrə şöbə müdiri Röya Hüseynova, Xarici tələbələrlə iş üzrə şöbənin əməkdaşı Günel Eyvazzadə və BMA-da təhsil alan əcnəbi tələbələr  İran İslam Respublikasının vətəndaşı Vafa Abrişami (magistr II kurs), Türkmənistan Respublikasının vətəndaşı Nuradin Abdullayev (magistr I kurs), Rusiya vətəndaşı  Gyulshad Zeynalova ( bakalavr III kurs) təqdimatda iştirak etmişlər.

    Filmdə BMA-nın əcnəbi tələbələrinin iştirakı xüsusi diqqət cəlb etdi - İran İslam Respublikasının vətəndaşı Vafa Abrişaminin filmdəki müsahibəsi zamanı şəhidlərimiz haqqında bildirdiyi fikirlər tədbirin şüarına çevrilmiş və Türkmənistan Respublikasının vətəndaşı Nuradin Abdullayevin öz musiqi aləti ilə Şuşaya səfər edərkən, oradakı parlaq ifası böyük marağa səbəb olmuşdur.

    Tədbirin sonunda sənədli filmə çəkilən əcnəbi tələbələrə  Şuşanın işğaldan əvvəlki və hazırkı fotolarından ibarət eyniadlı fotoalbomu, həmçinin Şuşanın rəmzi hesab edilən "Xarıbülbül" nişanı  təqdim olunundu.

    Tədbirdə qonaq qismində Bakıxanov Rayon İcra Hakimiyyətinin, Qeyri-hökumət təşkilatlarının, Elm və Təhsil nazirliyinin, "İSAY" İctimai Birliyinin, 18 Ali Təhsil müəssisələrinin nümayəndələri, eləcə də həmin ali təhsil ocaqlarında  təhsil alan digər əcnəbi tələbələr iştirak etmişlər.