• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    16 aprel 2025-ci il 

    Ukrayna-Azərbaycan əməkdaşlığı çərçivəsində Bakı Musiqi Akademiyasında görüş keçirildi.

    16 aprel 2025-ci il tarixində Üzeyir Hacıbəyli adına Bakı Musiqi Akademiyasında (BMA) Azərbaycan-Ukrayna Konqresinin İdarə Heyətinin sədri cənab Osadçenko Yuriy Leonidoviç Xalq artisti, BMA-nın Beynəlxalq əlaqələr, sosial məsələlər və ictimaiyyətlə əlaqələr üzrə prorektoru, professor,  Yeganə Axundova tərəfindən rəsmi qonaq olaraq qəbul edildi.

    Görüş çərçivəsində Bakı Musiqi Akademiyası ilə Ukraynanın aparıcı ali təhsil müəssisələri, xüsusilə Kiyev Musiqi Akademiyası və digər konservatoriyalar arasında əməkdaşlıq perspektivləri müzakirə olundu. Təhsil və musiqi sahəsində birgə layihələrin həyata keçirilməsi, tələbə və müəllim mübadiləsi, elmi-praktik konfransların təşkili və digər istiqamətlərdə gələcək əməkdaşlıq imkanları nəzərdən keçirildi.

    Back to Top