28 noyabr 2025-ci il tarixində Beatspace layihəsi çərçivəsində təşkil olunan Bookclub görüşündə xüsusi qonaq-yazıçı Mürşüd Mehdi olmuşdur.

Görüş “Evdəki yad” kitabının müzakirəsinə həsr olunmuşdur. Tədbir musiqi nömrəsi ilə başladı və bu anın ruhuna uyğun bir ab-hava yaratdı.

Müzakirə zamanı kitabda toxunulan mövzular – qadının daxili dünyası, hissləri, cəmiyyətdəki rolu və həyatla münasibəti — dərin və səmimi şəkildə işlənildi. Mürşüd bəyin kitabda verdiyi mesajlar dinləyicilərə çox düzgün və aydın formada çatdırıldı. Onun izahları və həyatla paralelləri mövzuya daha da dərindən nüfuz etməyə imkan verdi.

İştirakçılar aktiv şəkildə suallar verdilər, şəxsi təəssüratlarını bölüşdülər və müəlliflə açıq dialoq yaratdılar. Görüş həm intellektual, həm də emosional baxımdan maraqlı keçdi və iştirakçılarda dərin düşüncələr oyatdı.

Mürşüd bəyə bu gözəl əsəri və səmimi paylaşımı üçün təşəkkür edib,uğurlar arzulayırıq!