• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    11 sentyabr 2026-cı il

    11 sentyabr 2026-cı il tarixində Üzeyir Hacıbəyli adına Bakı Musiqi Akademiyasının Simli alətlər kafedrasının iclası keçirilmişdir.

    İclas zamanı 2026/2027-ci tədris ili üzrə kafedranın qarşısında duran əsas vəzifələr, tədris prosesinin təşkili, professor-müəllim heyətinin dərs yükü, kafedranın iş planında nəzərdə tutulan fəaliyyətlər və qarşıdakı dövr üçün prioritet istiqamətlər müzakirə edilmişdir.
    Müzakirələr zamanı “Azərbaycan Mədəniyyəti – 2040” konsepsiyasının əsas istiqamətləri və onun musiqi təhsili, milli musiqi irsinin qorunması və inkişafı baxımından əhəmiyyəti xüsusi diqqət mərkəzində olmuşdur. Bu çərçivədə milli musiqi irsinin qorunması və gələcək nəsillərə ötürülməsi, peşəkar musiqi təhsilinin inkişaf etdirilməsi, gənc ifaçıların yaradıcılıq potensialının dəstəklənməsi və Azərbaycan musiqisinin beynəlxalq səviyyədə təbliği məsələləri ilə bağlı fikir mübadiləsi aparılmışdır.
    Həmçinin tədris prosesinin keyfiyyətinin yüksəldilməsi, tələbəyönümlü təlimin inkişaf etdirilməsi, tədris-metodiki fəaliyyətin səmərəli təşkili, tələbələrin konsert və yaradıcılıq layihələrində iştirakının genişləndirilməsi, eləcə də kafedranın 2026/2027-ci tədris ili üzrə fəaliyyət istiqamətləri müzakirə edilmişdir.

    İclasın sonunda qarşıya qoyulan vəzifələrin sistemli şəkildə həyata keçirilməsi, tədris, metodiki və yaradıcılıq fəaliyyətinin müasir tələblərə uyğunlaşdırılması və “Azərbaycan Mədəniyyəti – 2040” konsepsiyasından irəli gələn prioritetlərin kafedranın fəaliyyətində nəzərə alınması ilə bağlı müvafiq qərarlar qəbul edilmişdir.

    Back to Top