• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    6 aprel 2026-cı il

    6 aprel 2026-cı il tarixində Üzeyir Hacıbəyli adına Bakı Musiqi Akademiyasında açıq dərs baş tutdu

    Akademiyada “Sovet musiqi tənqidi (1920–1930): təzyiq, senzura və ideologiya” mövzusunda açıq dərs uğurla keçirildi.

    Əməkdar incəsənət xadimi, “Musiqi tarixi” kafedrasının müdiri, professor Zümrüd Dadaşzadə tərəfindən təqdim olunan açıq dərsdə sovet dövründə musiqi mühitinə təsir göstərən ideoloji təzyiqlər, senzura mexanizmləri və həmin dövrün tənqidi prinsipləri geniş şəkildə təhlil olundu. Dinləyicilər mövzu ətrafında ətraflı məlumat əldə etməklə yanaşı, müzakirələrdə də fəal iştirak etdilər.

    Açıq dərs tələbələr tərəfindən maraqla qarşılandı və iştirakçılar üçün maarifləndirici platformaya çevrildi.

    Təqdim olunan açıq dərsdə kafedranın müəllim və tələbə heyəti, həmçinin Metodiki şuranın üzvü Bakı Musiqi Akademiyasının professoru Lalə Cəfərova da iştirak etmişlər.

    Back to Top