• Bütün bunlara görə Üzeyir Hacıbəyovun yaradıcılığı Azərbaycan xalqının milli sərvətidir. 

    Üzeyir Hacıbəyov şəxsiyyəti Azərbaycan xalqının iftixarı, bizim milli iftixarımızdır.

     

    Heydər Əliyev

     

  • Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir.

    Çunki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi

    əsərlərinin ən yaxşı «istehlakçısıdır», xalq musiqi əsərlərinə diqqətlə yanaşır, yaxşını pisdən seçir.

     

    Üzeyir Hacıbəyli

  • Azərbaycan bəstəkarlıq məktəbinin yaradıcısı, məşhur sovet bəstəkarı Üzeyir Hacıbəyovun musiqisi xalqımızın

    ürəyində yaşayır, onun mə'nəvi həyatını zinətləndirir. Zaman bu böyük iste'dadın qurduğu əzəmətli

    binanı sarsıtmaqdan nəinki acizdir, əksinə, onun getdikcə daha da möhkəmləndiyinə şahid olur.

     

    Qara Qarayev

  • Üzeyir məni özünə xas təmkinlə, çox mehriban bir münasibətlə qarşıladı.

    O gündən başlayaraq, ömrünün axırına qədər ölməz sənətkarın hərarətli münasibətini duydum.

    İlk dəfə şəxsiyyətində hiss etdiyim bu hərarəti get-gedə sənətində də duydum və bütün varlığımla ona bağlandım...

     

    Fikrət Əmirov

    Kərimova Zərif Hafiz qızı

    Baş müəllim

    Doğum yeri: Azərbaycan, Bakı şəh.

    Təhsil: 2000-2004 Üzeyir Hacıbəyli adına Bakı Musiqi Akademiyasının "Fortepiano" fakültəsinin bakalavr , 2004-2006-cı illərdə isə magistr pilləsində təhsil alıb, 2006-2008-cı illərdə aspiranturanı bitirib. 2002-2006-cı illərdə bəstəkarlıq fakültəsində Arif Məlikovun sinfində oxuyub.

    Pedaqoji fəaliyyəti: 2008-ci ildən Bakı Musiqi Akademiyasında konsertmeyster, 2011-ci ildən isə "Fortepiano" fakültəsinin müəllimidir.

    Elmi və ifaçılıq fəaliyyəti:

    2010-cu ildə Yunanıstanın Salonniki şəhərində keçirilən Beynəlxalq Müsabiqədə I yerə, “İlin ən uğurlu Bəstəkarı” və “İlin ən uğurlu ifaçısı” nominasiyasında isə II yerə layiq görülüb.

    2011 - ci ildə həmin müsabiqənin münsiflər heyyətinin üzvü seçilib. 2010-cu ildə Bakıda keçirilən Qara Qarayev adına Beynəlxalq müsabiqənin diplomantıdır.

    2011-ci ildə Azərbaycan Müəllimlər İnstitutunda keçirilən Doktorantların və gənc tədqiqatçıların XVI Respublika elmi konfransında məruzə ilə çıxış edib.